Urdu Poetry

Tou baat kuch aur hoti

Woh Ek baar laut ke aatey, tou baat kuch aur hoti
Mujh ko siney sey lagaate, tou baat kuch aur hoti

Jaam kaii peeta gaya ulfat-e-gham mein
khud nigahon sey pilaatey, to baat kuch aur hoti

kitna bechain tha main didaar-e-yaar karney ko
Naqaab woh rukh sey uthaatey, to baar kuch aur hoti

Khwaabon mein aakar tadpaatey thay aksar
kabhi samney bhi aatey, to baat kuch aur hoti 

Apni chahat ko aankhon sey bayan kar deta gar
Ek baar nazaren jo milaatey, to baat kuch aur hoti

Meri dhadkan mei.N bas wohi basaa karte the
Saa.nso mei.N bhi samaate, to baat kuch aur hoti

Ab talak pirta raha main ban ke parchhaii unki 
Humsafar mujhko banaatey, to baat kuch aur hoti

''*AFAQi*'' Na jaaney kyun adhuri si hay meri har ek “Ghazal”?
Unke ehesaas ubhar aaty, to baat kuch aur hoti


----------------------------------------------------

Alfaz kay jhootay bandhan mein

Aghraz kay gehray pardon mein

Har shakhs muhabbat kerta hai

Hala kay muhabbat kuch bhi nahi

Sab jhotay rishtay naatay hain

Sab dil rakhnay ke batain hain

Sab asli roop chupatay hain

Ehsas se khali loog yahan

Lafzon kay teer chalatay hain

Ik bar nazar mein aa kar wo

Phir sari umar rulatay hain

Ye ishq-o-muhabbat mehr-o-wafa

Sab jhooti suchi batain hain

''*AFAQi*'' Her shakhs khudi ke masti mein

Bas apni khatir jeeta hai
----------------------------------------------------